好少發牌氣火的我，今天係各同事面前發了一次爆發性的發牌氣火，因為一個阿姐的態度及說話不得不發火，那時候我碗面來到的時候，見到腩肉得好少（得個二三塊,還要是窄身薄切)，我同阿姐講腩肉好似少了一點點，阿姐說：呢到係一份黎架啦，我同阿姐講之後來的如果多過我是不是補返比我，阿姐當然無理會我啦，來第二碗的時候真係多我成一半(過份丫！)，我咪再同阿姐講返件事，阿姐都係話我個個係一份來的係噤多，加錢有得加多一點比你，我覺得好無理，之後說：那麼我唔要啦，之後阿姐還要笑笑口話:你講下炬，真係唔要呀？我真係火到黎(加大火版)話：我唔係講笑啦，我認真的，唔該退左佢啦，唔食啦~我之後再佢再講點解一份的定義點解那麼大，越講越火的我各同事無出聲，之後有位女仕(衣服光鮮一點,似老闆或經理級)過來問我什麼事，我一五一十再講多一次比佢聽，個位阿姐二話不說即走，女仕取碗面入去加回一點腩肉及跟我說對不起，另外亦說午餐時間可能廚房手鬆手緊關係有點碗碗不同啦，我唔係要為加腩肉而發火，而是因為阿姐的態度及處理事件的不當而發火，我覺得好食先會來食，不是貪妳加多兩三塊腩肉關係而發火，經過這一次之後發覺自己的eq真的低了嗎？那時間我聽到同事說”唔好理啦，食野..."那時候我真的很惡嗎？唉......煩......**多謝Coyi的朱古力，雖然是"借花敬佛"，但食了第一粒心情好返一點點。
另外多謝James的信件，簡簡單單分析給我聽，真的好實用，多謝兩位。
雲南桂林過橋米線
地址：葵芳盛芳街40號寬德大廈地下
電話：2441 7568
