富豪雪糕

富豪雪糕，是否大家兒時的回憶？

很久也無在屋村聽到"他"的聲音
"他"的聲音，"他"的影子
到了不久會否成追憶？

DOA: Death Or Alive（生死格鬥）‧水道橋日本食品

　　晚上約了KK出去旺角睇"生死格鬥"，好耐無見佢啦，見到佢瘦左又靚左(而我......都係肥仔)，行朗豪坊時件係TOUGH見到件T-SHIRT幾好睇.....(減肥減肥)


















　　睇完生死格鬥後同KK行返落旺角食東西，KK帶了我去一間"水道橋"日本餐廳，三文魚魚生幾新鮮，有一個特色Pizza都幾食丫，最正係杯野飲，食完後送了KK去坐車~(買了"四大天王"返家睇，唔知好唔好睇呢？)

做節‧巧手素美點

　　哈哈～～今晚去阿婆家做節，我做了一味”巧手素美點”（第一張相）而阿媽做美味春卷，好耐無整啦～係時候熟練手藝，唔係的話......

青葉日本料理‧石磨坊糖水

　　收工後同四位朋友去旺角青葉食日本料理，都幾好食，價錢又唔太貴......整餐晚飯都好辛苦，正確係"整餐晚飯笑得都好辛苦"，好多好好笑的事，下面個個鰻魚壽司又一個好例子，我地叫好多食物都係黎得好少份量，覺得寫幾多人數都係比一人份量，叫鰻魚壽司時味寫十囉，點知一黎個個笑到不停。





























　　我地食完晚餐後去了石磨坊食糖水，途中我地加其中一位朋友的妹子，哈～同佢傾計時講返夾band的一二事，我都係覺得打鼓真係好好玩。

公司晚宴‧竹園

　　晚上老闆請食飯，我地六點收工後坐車過去尖沙咀，去到只有我地幾位加上其他公司的人員，我地坐係到悶悶悶悶.............我頂唔順落去行左一陣，見到人地婚姻店有一套唔錯(下面粉紅的那套)到了七點幾先開始多人黎，我見到有一位........男仕是我係女青上班時的學生，佢見到我......但唔會叫我囉(難道怕我爆佢d衰野出黎？？放心，我一定唔會。)

　　到了八時幾開始食飯啦，食物真係好好味丫，有一個鮑魚汁抄麵都幾好食，食完後我同阿Cat坐西鐵返家，大家都順路加上唔太想坐巴士，卅分鐘左右回到家中(正)。

小巴黎‧誰是雞腿飽怪獸？

　　哈哈～今晚約了阿珊係市中心食飯，坐係老麥到等阿珊時見到阿姐著軟硬t-shirt(但d學生係到笑阿姐.......有乜好笑丫？？？），我都好耐無行市中心啦，原來都改變左唔少，或許改變了好少，只是自己平時唔多覺......同阿珊食完飯之後去了仇sir個邊傾少少野，或許......只是我改變左......

（究竟...誰是雞腿飽怪獸？）

星星薯餅‧蜘珠大戰青蜒

　　今日係公司飲水附近時見到有一隻蜘珠捉到隻青蜒，上次捉左隻烏蠅，今次勁左(捉青蜒)，但點勁都逃避不過清潔阿姐的”無敵吸塵機”，一開動 KO ~~


















是日午餐：星星薯餅、深海魚柳包、平平無奇凍七喜


















PS:今日真係好好好好悶丫！！！！！！！！！！！

米高澳門手信