試機‧唱K‧平音

　　今日開始用新電話，但是......我起身先記得昨晚無叉電，今日唔知夠唔夠用.....出門口己見到好好的太陽光，係公司到好悶.......傾開近日友愛有事發生，真係幾慘..............今晚同EVA唱K，一來祝賀轉工，二來我都好似好耐無去屯門NEWEY，去到見到朋友(KAKA~唱K八折)唱完送細天返家，我地經過屯門公園(超級無人)我地還經過發生事件的地方......

回歸N記電話

　　今日返到公司時發覺我部電話(moto記e680i)已開始壞，包括打唔出、打得入但聽唔到，同電話連接時電話會hang機，之前都有問題架啦，但覺得電話都係用，唔會好快壞，但唔夠三天又壞，整又要再比錢.......決定了換新機，午餐時搵了少少電話資料，有幾部電話都唔錯架，分別如下：

型號：N70
簡介：Nokia N 系列，200 萬像素 3G 手機，採用 Symbian OS 8.1a , Series 60 作業系統

型號：N73
簡介：功能强大 3G Smartphone，採用 320 萬像素蔡司鏡頭，內置文件閱讀軟件

型號：TS30
簡介：9.9mm 纖薄機身，內置 130 萬像素 CMOS 鏡頭，支援音樂播放，機頂更設有控制鍵可操控音樂播放

型號：ROKR E2
簡介：以 Linux 為 OS，更把 USB 進化至 2.0 ，傳輸歌曲更快更方便，內置收音機功能，更支援 A2DP 技術 (支援立體聲藍芽耳機)

型號：TX60 / 803T
簡介：Vodafone 旗下的 3G 手機 Toshiba 803T，內置 200 萬像素 CCD 鏡頭，Toshiba 於本港上市的首部 3G 手機。

型號：TX62
簡介：又名為 705T， 內置 130 萬像素鏡頭，機面設有控制鍵可操控音樂播放

型號：K800i
簡介：320 萬像素 Cyber-shot™ 手機，配置氙氣閃光燈，BestPic 功能，支援 M2 記憶卡，內置收音機功能

型號：K610i
簡介：目前 (14-02-2006) 全球最小的 3G 手機，繼 M600i 後第二款手機採用 M2 記憶卡，支援 PUSH EMAIL 功能，內置 200 萬像素鏡頭，支援 A2DP

　　左諗右諗選擇了Nokia N70，因為價錢適中同我都幾喜歡N系機，N73價錢好抄價Feel，下班後去了衛訊買了N70，Moto記e680i都值1150元(快D賣走部機，早幾日值1200元架)衛訊送了一張512mb記憶卡比我(有d人是沒有記憶卡)買完走時送了兩張餅卡比我(OR比一粒唔知乜的叉電)我用電話都可以話一個循環，由M記->SE記->Moto記->M記，下次唔知會用邊間公司的電話呢？

羽毛球活動

　　今晚我與女青同事去打羽毛球，我都好耐無打過羽毛球啦(有成幾個月以上.....轉了工無活動.....)初時我都怕打唔夠十五分鐘ko了自己，但打羽毛球時發覺耐力好左(yeah)，文暢兄還教了少少羽毛球技巧比我，真係好好用，一定要再請教文暢兄羽毛球技巧，整場羽毛球活動玩了兩小時，打完羽毛球後去了津味館食晚餐，今餐我地好多菜，每一款小菜都有菜，都唔錯架，而是咸了少少，差不多食完時Ricky收工也過來同我們食晚餐，現家Ricky都好忙，大家都要努力丫。(原來......)

星期天‧好陽光‧黑色地鐵(Hello Ketty)‧白色PSP

　　今日天氣非常之好丫，真正藍天白雲，落街同媽媽食早餐後返學，係車上隨手影了幾張相，返學的時間又到......





















　　上完課後決定出旺角Sony shop 買PSP，因為有特別禮物(Kaka)同比較有信心，出到去先知道又要跟GAME買......落樓回大街去了幾間電器連鎖店都要跟GAME OR要買多張Menory Stick Duo，我覺得好搵笨，之後行去"永成"問價，價錢一樣但唔洗跟Game再可以用優惠價買Menory Stick Duo(正，但我無買到，笨...)，買完去了葵芳食午餐(但.....唔係好好食)，食完搵了一間專賣電話用品商店貼部PSP芒，之後坐地鐵返工，去到地鐵站時見到一部黑色地鐵駛過來，二話不說用相機影相(第一次唔成功)之後入去內部再影相，以下是我影的"黑色地鐵"(Hello Ketty)：

黑色地鐵(Hello Ketty)外：












黑色地鐵(Hello Ketty)內：




























內外都唔錯架，如果係葵芳影的相會更好(葵芳、葵涌都沒有玻璃門)下班後回家玩PSP，我的PSP返黎啦~~

要記住‧時間過得很快

　　今晚本來想去睇"加勒比海盜：決戰魔盜王(Pirates of the Caribbean: Dead Man's Chest)"但好多間戲院時間與我地收工時間唔夾(一係早開場，一係九點幾十點先開埸)之後我地轉了去唱K，幾好玩(上次更好玩)我地離開K房時......我見到以前的朋友，我知道佢見到我，佢可能見到我......可能大家都係見到笑笑口點點頭會好D......