一個終結，一個開始

　　 今天發生的事特別多，首先祝EVA生日快樂，下午我地同GIGI farewell，我同EVA負責買野飲，選購飲品時我電話響起，是昨天面試的公司通知我已被錄用，四月三日星期一上班(真係好快)，回到中心立即通知力奇同文暢兄，係舞蹈室用結婚進行曲配合下說出我去向，午餐過後買了少少飲品過友愛及交代公事，但太多野要交代關係返唔到學呀＞＜！之後同EVA、天、IRENE&LING去唱Ｋ，朋友幫手打折（THANK YOU,華）


　　兩年多的工作完結，工作轉上另一階段，人生踏上新的一步，人生最缺欠的是慈悲智慧。多謝大家

日子漸漸地離去，只留下．．．．

　　星期一打完羽毛球之後每一天起床根和肥肉都是用一個字表達 - 痛........今日因面試關係預了好多時間出門口，睇返資料這是第四份叫我去面試的工，一樣的西裝，一樣緊張的心情，不同的是唔帶眼鏡帶CON.......車程時間我的腦海不停想其他事（２％面試資料）落車時Ｄ根又痛，之後去了一間餐廳食早餐，一來的是一杯好大的（左圖），其後食物都唔錯，食完也是很早，聽聽電視台及茶客的聲音，心情輕鬆（自我介紹的記憶回來了）出發去見工地點步行五分鐘到達，面試過程順利，內容對答適中，離開時覺得自己表現唔錯，自我評分都有八十分，餘下的二十分只是經驗不足 / 詞不達意，回家準備晚上返學。

　　未到黃昏我於家中已悶悶不樂，提早少少出街周圍行也好過於家中呆坐，之前已約好君於薄餅店等，眼見有時間買了一大盒熊仔餅回友愛中心，行到中心門口已見到位小妹妹，這位小妹妹我個人覺得是第一位唔覺得煩憂的小會員，一見到我也是大聲一句"阿SIR"之後走勁走勁走(係玩玩下個隻走)入到去我比了第一包熊仔餅個位小妹妹，哈～原來小小的一包熊仔餅也會好開心，連我都開心（以前唔會有種感覺）之後搵了朋友傾計和比熊仔餅，行到辦公室一上去見到Daphne當然是感謝她，昨晚教授那麼多的智識（好洗好用），傾了一陣君致電已到安定，我第一時間去影碟店會合，之後共進了唔錯的晚餐及出發上學，今晚不是很多同學回來，雖是這樣但也有分享好好的活動及智慧，進一步知道自己是幾多號仔．．．．．．

　　（開心／傷心原是簡單的表現）

羽毛球大賽

　　
　　不太喜歡雨毛毛的天氣感覺，使人無心工作，生產效率下降，晚上與文暢兄和ALAN＆DICKY打羽毛球，一開始同ALAN打，都幾好玩，只是太多貼網波，要救好多次，不知是否太耐做運動，心臟負荷量低了，打左二十分鐘左右要休息（因為已有少少耳嗚，再打一定暈！！）其後文暢兄 VS ALAN，原來文暢兄羽毛球技術十分強勁（外表文質彬彬， 一介書生模樣， 豈料深藏不露， 原來具備一副好身手和好球技）之後我地四個雙打，首先我與文暢兄一組，其後我與ALAN一組，打法略有不同，今次羽毛球大賽重整以前對羽毛球的智識，不是玩玩下的樣子，以前熟識的手法不在，今後要打多羽毛球先得，打完兩小時的羽毛球，我與文暢兄行去已士站，我當然會問"秘技"，聽君一夕話，勝讀十年書，這些智識收為己用。

　　（智識一點一滴回身邊收為己用，只因歲月及懶惰把一點一滴智識洗去）

極地雪犬(Eight Below)

　　今日我係餐廳一路睇雜誌（COOL AND MILK）一路食野食”早餐”．．．食左一個鐘頭多D．．．正，反而天氣唔係幾好啦，落雨．．．個頭好多雨水．．．成身都係雨水．．．

　　下午同馬高一齊睇極地雪犬(Eight Below)，但我集合時遲左少少，去到買飛加買食（正），開場先知係廣東話．．．照睇可也，劇情唔講啦．．．睇完只有一個感覺 - 我唔好養狗，因牠的離去(包括唔見左‧回歸天國.....)我會傷心爆．．．睇完食左一陣野回家。

　　兩天的假期完了，明天照常上班。

一日遊．機場

　　今日．．．我羅左一日假期，原因係我去見工啦、接我朋友機啦、比借口自己買衣服啦．．．但好唔好彩，本去見Fox個間公司的，只是下午遇上一個的士司機衰人，時間唔多緊係上的士啦，我去ｘｘ園見工（個到係置樂附近）但佢車左我去三聖與黃金中間位！！頂！！！！之後我比錢再坐另一輛的士，我抄低左佢車牌同個名，個陣真係想．．．但都係見工重要，去到．．．考試考打字，KAKA，正，但佢部電腦點都唔正，SAVE有時會死機＞＜！見工用左一舍鐘多Ｄ，走時已去唔到FOX公司見工，打返比FOX．．．SORRY．．．之後去了Double-park買衣服，KAKA我又係買左綠色TEE．．．．．．但好奇的是佢比紙袋我，以前買好多野都係比膠袋，難道佢參加左綠色和平？？返家等小巴時見到後面的女人打尖，唔知做乜自己毫不客氣地話個個女人打尖．．．個女人面黑黑講「你地只係企係到．．．」係邊講邊上車，落車係用眼神勁咩我．．．

．．．．返 家 執 整 自 己 出 發 去 機 場 ．．．．

　　

　　坐船轉車去機場，我都好耐無去機場，上一次都好似年多兩年前，去到睇睇飛機行班先．．．睇睇下覺得奇怪，阿ＣＡＴ比個個編號好似有問題，問人地先知．．．真係錯左．．．但我都係去左Ａ閘口等，腦海又出現正六號仔個D死人野（正反答案不停LOAD）行緊去時候見到阿CAT，自己見到只係出聲「ＣＡＴ」．．連阿字都無(==")原來無見差唔多三年，一見到真係勁開心架（但我又係表達唔到出黎啦＞＜！又係做左唔多出聲的自己！！個樣又係木木地ＬＯＣＫ）阿CAT無乜點變．．．高左．．．自己緊係呆呆地的樣子．．．

　　接左CAT之後同佢媽媽AND朋友一齊返屯門食晚餐，坐車聽阿CAT同佢媽媽傾計，聽聽下．．．Ｚｚｚ．．．醒來已返到屯門．．．食晚餐時我又係唔多出聲＞＜！緊張自己講錯野！CAT媽會唔會．．．我覺得唔會GE平穩地表現自己係最好，過於出頭出面反招損，只是自己表現差差差差姐．．．我都係寡言個．．．．同以前差不多一樣．．．唔多出聲．．．食完行左一陣屯門，傾左一陣計，好似唔多話題，我呢隻真係．．．唉，三年無見一定多話題啦，之後我又諗左一陣．．．下次先再傾啦，人有的是時間，話自己無時間某情況是借口架姐．．．

　　右邊個件黑色TEE是阿CAT手信，真實比睇相係好睇D。(不會忘記一點點的記憶，記憶不會遺留，留下的只有自己的年月。)

平淡充實的一天‧不及聽"妳"說愛我

　　昨天完SHOW後今日返工都幾累，今日唔係好多同事返工炸，上午送件（因為得返我一個人關係．．．）好耐無送件啦，呢個感覺有Ｄ偷懶FEEL．．．．．．羅左好多野返中心後食午餐。

　　下午同阿婷去金Ｘ羅食午餐，照例玩佢部手機，傾左少少野，喔．．．原來．．．時間好多快過了午餐去到收工時間．．．但差唔多收工時收到老闆電話要留低公司整野到七點．．．．等到差唔多七點打比老闆．．．今晚唔洗．．．明天返九點．．．我緊係啦啦聲走人去打羽毛球啦，行行下先記得行錯左路(^^")今晚打羽毛球有唔錯的球員，有dephne、朱仔、君、Fox，可惜是DEPHNE要早走，打打下阿豪都黎，玩完出左一身汗勁舒服勁好玩，玩完一齊去市中心燉奶佬(金裝)食晚餐，食前我見有少少時間去了商務書店買了"來不及聽你說愛我"，小說同廣播劇同影片係唔同架（三者有關係，但內容不太一樣）食完行了一陣市中心（都唔一陣，行到人地吉島收工）我等506時先記得比未比DEPHNE個羽毛球袋阿君．．．明天有借口過友愛丫，一上506巴士見到好耐無見的阿君，傾左一陣同交換左電話，但好奇怪佢問我記唔記得佢叫乜名，KAKA我一定記得（好難唔記得），只是聽佢說....爆左自已個名（勁細聲）阿君係龍門居落車時還叫我搵阿婷一齊食野（呢個我緊係會啦）

(平淡充實的一天)

「窮得有道理」無窮show

　　一年一度 節目 －「窮得有道理」無窮show，今日我西裝LOOK上班，雖然我只係做攝影，但我尊重今次出SHOW，因為可能係我係公司最後一次開係．．．上午好早好早返到友愛中心，幫手拎野過去侯寶垣，大家為迎接下午的無窮SHOW各自準備，而我相信我自己係閒人一個，我分別去左後台‧上面控制室‧下面大門‧禮堂接待處．．．見到各位為今日的無窮show發揮自己．．．

　　今日成個SHOW都好好，完SHOW後分享意見加總結再加團體相，執完物資返中心走時已是晚上七時多，第一次感受到呢D大班節目好係好正的，雖然辛苦(累)，但我喜歡這個感覺。

(總有一天會遇上)

舊區足跡

　　今日我下午兩點走得啦～本來想去買Tee架，但阿婷搵我FAX野，之後搵佢加佢個妹加佢個FD一齊去食下午茶，食完跟左佢地去石硤尾，舊區．．．個 感覺．．．好奇怪．．．我好似黎過．．．好細個時候．．．哈～唔記得LOO，我見有乜記乜記，行行下．．．．．．我見到影低左，好似返左八十年代，身邊行 過的有可能是其中一份子，現家只得返一班老人家．．．

（長長的走廊，出口只有一個嗎？）

（石硤尾工廠）

重複‧等待‧美滿的一天

　　人生總是等待每一次的機會，但往往是因為等待而失去機會．．．．．

　　嘩～～做乜事？？放心，我寫日記時突然想到，真係好似”ｘ號仔”丫（想知，去學九型人格便會知道）嘿嘿～～好耐無寫日記啦！睇返上一次寫日記係二月份的事．．．差不多一個月時間，我覺得．．．開始無時間寫（又可能係累關係）每天上班和下班也是一樣的感覺，感覺到自己係可以做得更好，但每一次都找唔到"特破"位，個心好似失去了動力．．．

　　唔知點解（星期四）返學時學”九型人格”好舒服，舒服到每一次都可以訓得著^^"學了四堂真係學到東西，係上課時間少．．．．．．

　　普通話個邊又差唔多上完啦，上星期上課要用普通介紹家人，我說：有我啦，有媽媽啦 And哥哥啦”無啦啦普通話加英文^^"傻傻地．．．

　　今日(星期三)過去友愛開會關於一年一度貧窮Show，今次我負責攝影及攝錄，有種感覺．．．是否最後一次出show？開始更喜歡這份工作．．．

　　返到家已是九點，食左少少野之後整野，好耐無對部電腦啦，今晚好正，原因係．．．同阿CAT傾由2月25日出國到現家去過那兒食、玩、住，現家係Ireland(愛爾蘭)．．．風景相好正．．．返香港一定要出黎傾計食野行街丫。